سرینگر//مرکزی وزیر داخلہ کا کہنا ہے کہ جموںوکشمیر میں حد بندی کمیشن نے لگ بھگ اپنا کام مکمل کیا ہے اور بہت جلد یونین ٹریٹری میں اسمبلی انتخابات ہونگے۔ انہوں نے کہاکہ بطور وزیر داخلہ پارلیمنٹ کے دونوں ایوانوں میں ممبران کو یقین دلایا ہے کہ جموں وکشمیر میں حالات معمول پر آنے کے بعد سٹیٹ ہڈ کا درجہ بھی بحال کیا جائے گا۔ وزیر داخلہ امیت شاہ کا کہنا ہے کہ جموںوکشمیر میں بہت جلد اسمبلی چناو ہونگے ۔ انہوںنے کہاکہ حد بندی کمیشن نے اپنا کام لگ بھگ مکمل کیا ہے اور جونہی وہ رپورٹ فراہم کریں گے چناو کا بھی اعلان ہوگا۔ انہوں نے بتایا کہ مرکزی حکومت جموںوکشمیر میں جلد ازجلد اسمبلی انتخابات کے حق میں ہیں۔ جموںوکشمیر کو سٹیٹ ہڈ کا درجہ بحال کرنے کے بارے میں پوچھے گئے سوال کے جواب میں وزیر داخلہ نے کہاکہ پارلیمنٹ کے دونوں ایوانوں میں وعدہ کیا ہے کہ سٹیٹ ہڈ کا درجہ بھی بحال ہوگا۔ انہوںنے کہاکہ جموںوکشمیر میں حالات معمول پر آنے کے ساتھ ہی ریاست کا درجہ بھی بحال کیا جائے گا۔ انہوںنے کہاکہ مرکزی حکومت جموںوکشمیر میں امن و امان کے قیام کی خاطر زمینی سطح پر کام کر رہی ہیں۔ انہوںنے کہاکہ گزشتہ دو سالوں کے دوران کشمیر میں حالات معمول پر آئے ہیں ، ملی ٹینسی کے واقعات میں کمی واقع ہونے کے ساتھ ساتھ سنگباری پر بھی قابو پایا گیا ہے۔ انہوںنے کہاکہ مرکزی حکومت نئے جموںوکشمیر کے خواب کو شرمندہ تعبیر کرنے کی خاطر زمینی سطح پر کام کر رہی ہیں۔ انہوں نے مزید بتایا کہ سماج دشمن عناصر کی جانب سے امن و امان میں رخنہ ڈالنے کی ہر کوشش کو ناکام بنایا جائے گا۔ بتادیں کہ دفعہ 370کی منسوخی کے بعد جموں وکشمیر میں اسمبلی نشستیں بڑھانے کی خاطر مرکزی حکومت نے ریٹائرڈ جسٹس کی سربراہی میں حد بندی کمیشن کا قیام عمل میں لایا۔ گزشتہ ماہ ہی اس کمیشن نے ابتدائی رپورٹ منظر عام پر لائی جس میں بتایا کہ کشمیر میں صرف ایک سیٹ جبکہ جموں صوبے کیلئے سات سیٹوں کا اعلان کیا گیا۔ کمیشن کی رپورٹ پر جموںوکشمیر کی لگ بھگ سبھی سیاسی پارٹیوں نے سوالات اُٹھاتے ہوئے اس کو مسترد کیا جبکہ نیشنل کانفرنس کے ممبران پارلیمنٹ نے بھی کمیشن کو خط ارسال کرکے اس پر شدید تحفظات کا اظہار کیا ہے۔ سیاسی پارٹیوں کی جانب سے سخت تنقید کے بعد حد بندی کمیشن کی چیرمین نے کہاکہ نیشنل کانفرنس کے ممبران پارلیمنٹ کو اس حوالے سے کمیشن میں اپنے اعتراضات دائر کرنے چاہئے جس پر ہمدردانہ غور کیا جائے گا۔ این سی ممبران پارلیمنٹ نے اس ضمن میں اپنے اعتراضات کمیشن کے سامنے پیش کئے ہیں اب یہ دیکھنا دلچسپ ہوگا کہ کمیشن کی جانب سے جو حتمی رپورٹ منظر عا پر لائی جائے گی اُس میں تبدیلی کی جائے گی یا پھر ابتدائی رپورٹ کو ہی حتمی تصور کیا جائے گا۔ ادھر میڈیا رپورٹوں کے مطابق جموں وکشمیر میں رواں سال میں ہی اسمبلی چناو ہو سکتے ہیں اوراس کے لئے مرکزی چناو کمیشن نے بھی غور وغوض کرنا شروع کیا ہے۔ میڈیا رپورٹوں کے مطابق موجودہ مرکزی حکومت جموں وکشمیر میں جلداز جلد الیکشن کرانے کے حق میں ہیں اوراس کے لئے حد بندی کمیشن کی فائنل رپورٹ کا انتظار ہے۔