جموں//کمشنر سیکرٹری جل شکتی ایم راجو ، جو ضلع جموں کے انچارج سیکرٹری بھی ہیں ، نے بی اے ڈی پی ، پی ایم جی ایس وائی ، جے جے ایم ، لانگویشنگ پروجیکٹس ، بی 2 وی 3 اور ڈسٹرکٹ کیپیکس بجٹ بشمول ڈی ڈی سی ، بی ڈی سی ،پی آر آئی کے تحت مجوزہ کاموں کی پیش رفت کا جائیزہ لیا ۔ ڈپٹی کمشنر انشول گرگ نے میٹنگ میں پاور پوائینٹ پرذنٹیشن کے ذریعے اب تک ہونے والی پیش رفت سے آگاہ کیا ۔ انہوں نے بتایا کہ بیک ٹو ولیج کے تحت کل 486 کام ہیں جن میں سے 453 کام آر ڈی ڈی کے تحت منظور شدہ ہیں ۔ انہوں نے مزید بتایا کہ 486 کاموں میں سے 168 مکمل ہو چکے ہیں اور 280 زیر تکمیل ہیں جو رواں مالی سال میں مکمل کر لئے جائیں گے ۔ ڈپٹی کمشنر نے بتایا کہ جموں ضلع کے حوالے سے ڈسٹرکٹ کیپیکس بجٹ 2021-22 کے تحت کل 4489 کام ہیں جن میں سے 201 کام یو ٹی کے حصے کے تحت ہیں جن میں نابارڈ ، 207 ڈی ڈی سی پلان کے تحت ، 201 کام ہی بی ڈی سی پلان کے تحت اور 3860 کام پی آر آئی پلان کے تحت ہیں ۔ انہوں نے کہا کہ 4489 کاموں میں سے 1566 مکمل ہو چکے ہیں اور 2366 زیر تکمیل ہیں جنہیں جلد مکمل کر لیا جائے گا ۔ جل جیون مشن کے تحت ڈی سی نے انچارج سیکرٹری کو بتایا کہ 266 کام ہیں اور ان کاموں کے ڈی پی آر پراجیکٹ اپریزل کمیٹی سے منظوری حاصل کرنے کے عمل میں ہیں ۔ انہوں نے یہ بھی بتایا کہ لغو منصوبوں کے تحت 252 کی منظوری دی گئی ہے جن میں سے 145 مکمل ہو چکے ہیں اور 106 زیر تکمیل ہیں ۔ اس موقع پر اپنے خیالات کا اظہار کرتے ہوئے ایم راجو نے متعلقہ حکام پر زور دیا کہ وہ مختلف پروجیکٹوں پر جاری کاموں کی رفتار کو تیز کرنے کیلئے تمام ممکنہ اقدامات کریں تا کہ ان کو مقررہ مدت میں مکمل کیا جا سکے ۔ انہوں نے متعلقہ عہدیدار کو پی اے سی سے ڈی پی آر کی منظوری تین دن میں حاصل کرنے کی بھی ہدایت دی تا کہ کام مقررہ وقت میں مکمل کیا جا سکے ۔