نئی دہلی// ایشز سیریز کے پہلے میچ میں آسٹریلیا نے انگلینڈ کو بری طرح شکست دی ۔ اس کے بعد آسٹریلیائی ٹیم کے سابق کپتان رکی پونٹنگ نے بڑا دعویٰ کرتے ہوئے انگلینڈ کی ٹیم کو خبردار کیا ہے ۔ پونٹنگ نے جو روٹ کی قیادت والی انگلینڈ کی ٹیم کو خبر دار کیا ہے کہ صرف ایک ٹیسٹ کے بعد ایشز سیریز میں مہمان ٹیم پر وائٹ واش ہونے کا خطرہ ہے۔ پونٹنگ کا خیال ہے کہ انگلینڈ کے پاس برسبین میں سیریز کے پہلے میچ میں ٹاپ پر آنے کا حقیقی موقع تھا، جس میں نو وکٹوں کی زبردست شکست اگلے چار میچوں میں ان کی امیدوں کے لئے بری خبر تھی ۔ 46 سالہ رکی پونٹنگ اچھی طرح جانتے ہیں کہ ایشز سیریز 5-0 سے جیتنا کتنا اچھا لگتا ہے، کیونکہ ان کی کپتانی میں ٹیم نے 2006/07 میں ایسا کیا ہے۔کرکٹ ڈاٹ کام ڈاٹ اے یو سے بات کرتے ہوئے کہا آسٹریلیا کے لیے حالات بہتر ہونے جا رہے ہیں۔ حالات(برسبین میں) بہت ہینگلش جیسے تھے۔ وہاں پیس اور باؤنس زیادہ تھا، لیکن جہاں تک ان کی باؤلنگ کا سوال ہے تو شاید انہیں پوری سیریز کیلئے اتنی رفتار کہیں اور نہیں ملے گی۔ پونٹنگ کا کہنا ہے کہ، اگر وہ ایڈیلیڈ میں نہیں جیتتے ہیں، تو انگلینڈ 2006/07 جیسا ہو سکتا ہے۔” پونٹنگ نے ویسٹرن آسٹریلیا کے تیز گیند باز رچرڈسن کو جوش ہیزل ووڈ کے متبادل کے طور پر اتارنے کی پیش کش کی ہے۔ ہیزل ووڈ پسلیوں میں درد کی وجہ سے دوسرے ٹیسٹ سے باہر ہو سکتے ہیں۔ پونٹنگ کا یہ بھی کہنا ہے کہ اگر اسپنر کو کھیلنا ہے تو مائیکل نیسر ٹیم کا حصہ بن سکتے ہیں جنہوں نے انگلینڈ لائنز کے خلاف 5 وکٹیں حاصل کی تھیں۔
