نیشنل کانفرنس کارکنوں کا حدبندی کمیشن کی سفارشات کے خلاف احتجاج

سرینگر//حدبندی کمیشن کی سفارشات کے خلاف نیشنل کانفرنس کے کارکنوں نے سرینگر میں احتجاج کیا ہے۔پیوپلز الائنس فار گپکار ڈکلریشن کے شرکار فاروق عبداللہ، محبوبہ مفتی اور یوسف تاریگامی جو آج حدبندی کمیشن سفارشات کے خلاف احتجاج کرنے والے تھے، انہیں ان کے گھروں میں نظر بندرکھا گیا ہے۔اس ضمن میں سرینگر میں این سی کارکنوں نے حدبندی کمیشن کی سفارشات کے خلاف احتجاج کیا ہے۔اس ضمن میں نیشنل کانفرنس کے نائب صدر اور سابق وزیر اعلیٰ عمر عبداللہ نے ٹویٹ کرتے ہوئے لکھا کہ انتظامیہ اب معمولی جمہوری سرگرمیوں سے بھی خوفزد ہورہی ہے۔پولیس ذرائع کا کہنا ہے کہ ان تینوں رہنماؤں کی رہائش گاہوں کے دروازوں پر پولیس کی اضافی نفری تعینات کی گئی ہے تاکہ ان کے باہر نکلنے کی کوشش کو ناکام بنایا جائے۔