سرینگر//گاندربل پولیس نے چوری کا کیس حل کرکے ملزم کو گرفتارکرکے اس کے قبضے سے مال مسروقہ برآمد کرکے ضبط کی۔ پولیس اسٹیشن لار کو 17جنوری کو اشتیاق احمد راتھر ولدمحمد مقبول راتھر ساکن منی گام لار گاندربل کی چانب سے ایک تحریری شکایات موصول ہوئی کہ 15اور 16جنوری کی درمیانی شب کو ان کے گھر پرچوری کی گئی۔ گاندربل پولیس اس سلسلے میں پولیس اسٹیشن لار میں ایک مقدمہ ایف آئی آر نمبر 03/2022، متعلقہ دفعات کے تحت اندرج کیااور تحقیقات کا آغاز کیا گیا۔ ایس ایس پی گاندربل شری نکھل بورکر(آئی پی ایس) نے ڈی وائی ایس پی ہیڈکوارٹر گاندربل شری عبدل ماجدکی نگرانی میں ایس ایچ او تھانہ لار، کی قیادت میں ایک خصوصی تحقیقاتی ٹیم تشکیل دی۔ تحقیقاتی ٹیم نے فوری کارروائی کرتے ہوئے مذکورہ کیس کا سراغ لگایا اور مکمل تجزیہ کے بعد چوری میں ملوث ایک شخص کو گرفتار کرلیا۔جس کی شناخت سہیل احمد راتھر ولدغلام محی الدین ساکن باغوان محلہ منی گام لار گاندربل کے طور پرہوئی ۔مزکورہ سےچوری میں استعمال ہونے والے آلات کو موقع پر ہی برآمد کر کے قبضے میں لے لیا گیا۔ اور اس کے انکشاف پر ایک چارجر اور ایک ائی فون۔دو عدد گھڑیاں (ارمانی اور سکونڈا)اور ایک سونے کی انگوٹھی بر آمدکی گئی۔ یہاں یہ امر قابل ذکر ہے کہ تھانہ پولیس لارنے ایک ہفتے سے بھی کم عرصے میں مذکورہ چوری کا معاملہ حل کر لیا ہے اور ملزم کی نشاندہی پر 100 فیصد مال مسروقہ برآمدکی گئی ہے۔گاندربل پولیس کے فوری اور بروقت کاروائی پر عام لوگوں نے ان کی کوششوں کو سراہا ۔(سی این آئی)