لیفٹیننٹ گورنر نے شری امر ناتھ جی شرائین بورڈ کی میٹنگ کی صدارت کی

جموں//لیفٹیننٹ گورنر منوج سنہا نے آج یہاں راج بھون میں شری امر ناتھ جی شرائین بورڈ کی ایک میٹنگ کی صدارت کی اور سرینگر ، جموں اور رام بن میں نئے یاتری نواس بھونوں سے متعلق مختلف امور پر تبادلہ خیال کیا ۔ ایس اے ایس بی کے نامور اراکین سوامی اودھیشا نند گری جی مہاراج ، پنڈت بھجن سوپوری ، ڈاکٹر دیوی پرساد شیٹی ، مسٹر ڈی سی رینہ ، پروفیسر انیتا بلوریہ ، مسز ترپتا دھون ، ڈاکٹر سدرشن کمار ، پروفیسر وشوا مورتی شاستری نے یاتری نواس بھونوں اور یاتریوں کیلئے سہولیات کے زیادہ سے زیادہ استعمال کیلئے قیمتی تجاویز پیش کیں ۔ چیف سیکرٹری ڈاکٹر ارون کمار مہتا ، سی ای او شری امر ناتھ جی شرائین بورڈ نتیشور کمار ، سی ای او ، ایس ایم وی ڈی ایس بی ، ایڈیشنل سی ای او ایس اے ایس بی ، سابق ایڈیشنل سی ای او ایس اے ایس بی اور دیگر سینئر افسران میٹنگ میں موجود تھے ۔