جموںوکشمیر کا بٹوارہ شیخ محمد عبداللہ اورجواہر لال نہرو کی سازش/ رویندر رینہ

جموں// جموں وکشمیر بھارتیہ جنتاپارٹی یونٹ کے صدر کا کہنا ہے کہ سال 1947 میں منصوبہ بند سازش کے تحت جموں وکشمیر کا بٹوارہ کرکے لائن آف کنٹرول کی لکیر کھینچی گئی۔انہوں نے کہا کہ نیشنل کانفرنس کے بانی مرحوم شیخ محمد عبدا ﷲ اور پنڈت جواہر لال نہرو نے سازش کے تحت لائن آف کنٹرول کی لائن کھینچی۔ان باتوں کا اظہار موصوف نے راجوری میں نامہ نگاروں سے بات چیت کے دوران کیا۔انہوں نے کہا کہ گوجر بکروال طبقے کے ساتھ نیشنل کانفرنس، پی ڈی پی اور کانگریس نے ہمیشہ نا انصافی کی ہے۔موصوف کا کہنا تھا کہ گوجر وں کو آج تک اراضی کے حقوق نہیں دئے گئے اور نہ ہی اُنہیں خصوصی ریزرویشن کے تحت نوکریاں دی گئیں۔روندر رینہ کے مطابق نیشنل کانفرنس کے لیڈران نے پہاڑیوں کو غلام بناکے رکھا ہے ۔اُنہوں نے بتایا کہ سال 1947میں ایک منصوبے کے ساتھ جموں وکشمیر کا بٹوارہ کرکے لائن آف کنٹرول کی لائن کھینچی گئی ۔روندر ینہ نے بتایا کہ نیشنل کانفرنس کے لیڈران اقتدار کی خاطر کچھ بھی کرنے کو تیار ہیں ۔انہوں نے کہا کہ جموں وکشمیر کی اسمبلی میں پاکستانی زیر قبضہ کی نشستیں خالی پڑی ہوئی ہیں۔اُن کے مطابق گریز سے لے کر مژھل اور راجوری پونچھ میں لکیر کھینچ کر خاندانوں کو جدا کر دیا گیا ۔انہوں نے کہا کہ مرحوم شیخ محمد عبدا ﷲ نے ایک سازش کے تحت پنڈت جواہر لال نہرو سے مل کر بٹوارہ کرایا جس کا خمیازہ آج پورے جموں وکشمیر کے لوگوں کو بھگتنا پڑرہا ہے۔