جنرل بپن راوت کی موت ہرسچے ہندوستانی کیلئےبڑا نقصان/وزیر اعظم مودی

دہلی // وزیر اعظم نریند ر مودی نے ہفتہ کو کہا کہ پہلے چیف آف ڈیفنس اسٹاف جنرل بپن راوت کی موت ہر سچے ہندوستانی کے لئے بڑا نقصان ہے۔جنرل بپن راوت جتنے جانباز تھے اتنے ہی جفاکش بھی اور ملک کی آرمی کو خود کفیل بنانے کے لئے سخت محنت کررہے تھے جسے پورے ملک نے اسے دیکھا ہے۔ریاست کے ضلع بلرامپور میں ایک عوامی ریلی سے خطاب کرتےہوئے وزیر اعظم نے ہفتہ کو کہا کہ ملک سی ڈی ایس کی موت سے سخت تکلیف سے گذررہا ہے۔ لیکن ہم اپنی ترقی کو نہ روکے گیں گےاور نہ رکیں گے۔ملک کے دفاع کی خودکفیل بنانے اور ملک کے تینوں افواج کے درمیان تعلقات کو مزید مستحکم کرنے کا کام جاری رہے گا۔وزیر اعظم نے کہا کہ بپن راوت جہاں کہیں بھی ہونگے وہ دیکھیں گے کہ ان کا ہندوستان نئی امنگوں اور انقلابات کے ساتھ آگے بڑھ رہا ہے۔سرحدوں پر ملک کی سیکورٹی میں اضافہ کی کاروائی کو مزید تیز کیا جائے گا۔مودی نے گروپ کیپٹن ورون سنگھ، جو موت و زیست کی لڑائی لڑرہے ہیں ، ان کا خصوصی ذکر کرتے ہوئے ا ن کے صحت کی آرزو کا اظہار کیا۔گروپ کیپٹن ورون سنگھ جی کی زندگی کے لئے ڈاکٹر سخت جدوجہد کررہے ہیں میں یوپی کے ضلع دیوریا کے بیٹے کے لئے ماں پتیشوری سے دعا کرتا ہوں کہ وہ ان کی زندگی دے۔انہوں نے کہا کہ پورا ملک ورون سنگھ جی اور دیگر ہیروز جنہیں ہم نے کھویا ہے ان کے کنبے کے ساتھ کھڑا ہے ۔